معاشري ۾ وڌندڙ لادينيت ۽ فتنن جو مقابلو ڪرڻ لاءِ قرآن ۽ سنت سان مضبوط تعلق رکڻ ضروري آهي. جيئن اسين ٻين علمن ۽ فنن جي ماهرن وٽ ويندا آهيون، ساڳئي ريت دين جا ڄاڻو ۽ ماهر علماء ڪرام آهن. روزمره سوالن ۽ جوابن لاءِ ۽ شرعي رهنمائي حاصل ڪرڻ لاءِ انهن ڏي رجوع ڪرڻ لازمي آهي، ڇو ته علماء انبياء جا وارث آهن. شيطان جي خواهش اها آهي ته علماء ۽ عوام جي وچ ۾ فاصلون وڌن، جڏهن ته رحمان جي رضا ان ۾ آهي ته علماء ۽ عوام گڏجي هلن ۽ انهن جو پاڻ ۾ تعلق مضبوط کان مضبوط تر ٿئي. لجنۃ العلماء جو به اهو ئي مقصد ۽ مشن آهي.
هن وڏي مقصد جي حاصلات لاءِ جيترو ممڪن ٿي سگهيو، علمن سان سهڪار جي راهه هموار ڪئي وئي، انهن جي خدمت ۽ دفاع کي نصب العين بڻايو ويو، ته جيئن اهي يڪسوئيءَ سان دين جي خدمت ڪري سگهن. اهڙيءَ ريت روزمره سوالن ۽ جوابن لاءِ ’علماء فتوي ڪائونسل‘ جو قيام عمل ۾ آندو ويو، ته جيئن جديد ۽ قديم پيش ايندڙ مسئلن جو معتبر شرعي حل مهيا ڪري سگهجي.
اسان جو مقصد مختلف گروهه بندين، تنظيمون ۽ جماعتن جي فرق ۾ الجهڻ کان سواءِ علماء جي عزت ۽ توقير کي نمايان ڪرڻ آهي، ۽ علماء ۽ عوام جي وچ ۾ حائل فاصلن کي ختم ڪرڻ آهي. اسان جي نظر ۾ هر عالم جي عزت ۽ احترام ان جو حق آهي، جڏهن ته معاشري جي هر فرد جي ديني رهنمائي ۽ جديد ۽ قديم مسئلن ۾ شرعي موقف پيش ڪرڻ علماء جي جماعت تي فرض آهي. اسلام ۽ اهلِ اسلام تي لادينيت ۽ بي عملي جي وڌندڙ حملي کي روڪڻ لاءِ اهلِ علم ۽ افتا ۽ اجتهاد جا ماهر متحد ٿيڻ وقت جي تقاضا آهي. جڏهن ته ملت جي نوجوانن جي علم ۽ عقيدي ۾ مضبوط هجڻ، ۽ فتنن کان بچڻ لاءِ بزرگن جي سرپرستيءَ ۾ رهڻ بلڪل ضروري آهي.
وڌيڪ پڙهو
