سوال (625)
عقیقہ کا گوشت شادی میں کھلا سکتے ہیں یا نہیں یعنی عقیقہ کے گوشت سے ہی شادی فائنل کرنی ہے تاکہ دونوں کام ایک ساتھ ہو جائیں کیا یہ صحیح ہے؟
جواب
جب آپ نے عقیقے کے لیے چھری چلادی ہے تو آپ کا عقیقہ ہوگیا ہے، پھر آپ اس گوشت کو سنبھال کے رکھتے ہیں کہ دو دن کے بعد شادی ہے یا فنکشن ہے تو اس میں کا م آجائے گا، اس میں کوئی حرج نہیں ہے۔ جب آپ نے چھری چلادی ہے تو آپ کا عقیقہ ہوگیا ہے۔ ان شاءاللہ
فضیلۃ الشیخ عبد الوکیل ناصر حفظہ اللہ
سوال: ایک شخص اپنے تین بیٹوں کا عقیقہ کرتا ہے، اس میں سے غرباء میں تقسیم کرتا ہے اور ساتھ میں اپنی یتیم بھانجی کی بارات کا کھانا بھی اس میں سے ہی بنا دیتا ہے، تو کیا ایسا کیا جا سکتا ہے۔
جواب: باپ نے جب جانور کو ذبح کیا تو عقیقہ ہوگیا ہے، اب کھانا، کھلانا اس کی مرضی ہے، کوئی حرج نہیں ہے، اس گوشت کو ضرورت کے تحت اپنے کسی مصرف میں لگاتا ہے، تب بھی کوئی حرج نہیں ہے۔ بھلے کسی بھانجے اور بھتیجے کی بارات میں لگا دیں کوئی حرج نہیں ہے۔
فضیلۃ الشیخ عبد الوکیل ناصر حفظہ اللہ
