سوال (630)
ایک آدمی طلاق دینے کے لیے اسٹام پیپر لکھوا رہا ہے لیکن لکھتے ہوئے طلاق کا ارادہ ختم کر دیتا ہے ، ابھی اس نے سائن بھی نہیں کیے ہیں ، تو کیا ایسی صورت میں طلاق واقع ہو جائے گی ؟
جواب
اگر طلاق دینے کا ارادہ نہیں تھا تو واقع نہیں ہوئی ہے ۔
“طلاق بالكتابة راجع الى النية على الراجح”
فضیلۃ الباحث داؤد اسماعیل حفظہ اللہ
لکھوا دیا تو کام پورا کر لیا ہے ، ارادہ کی تصدیق لکھوا کر ہوگئی ہے ۔ دستخط سے قانونی ہوجانا باقی رہ گیا ہے ۔
فضیلۃ العالم اکرام اللہ واحدی حفظہ اللہ
میں اس نتیجہ پر پہنچا ہوں کہ اس نے بول کے لکھوایا ہے ، تو پھر یہ طلاق واقع ہوگی ، چونکہ اس سوال کا جواب مبہم ہے واضح نہیں ہوا ہے کہ کیا ہوا ہے ، صراحتاً یہ بات کرنی چاہیے کہ زبان کے کہنے سے طلاق واقع ہوئی ہے ۔
فضیلۃ الشیخ عبد الوکیل ناصر حفظہ اللہ
