سوال (1790)
کیا دودھ والے جانور کی قربانی کر سکتے ہیں؟
جواب
حاملہ اور دودھاری جانور کی قربانی کرنا جائز و مشروع ہے اور حاملہ قربانی کے بچے کو ذبح کرنے یا نہ کرنے میں اہل علم کے درمیان اختلاف ہے، تاہم اللہ کے رسول کے فرمان سے واضح طور پر معلوم ہوتا ہے کہ بچے کو ذبح کرنا ضروری نہیں ہے، اس کی ماں کا ذبح کرنا ہی کافی ہے اور بغیر ذبح کے اس بچے کا گوشت کھا سکتے ہیں۔
فضیلۃ الباحث کامران الہیٰ ظہیر حفظہ اللہ
سوال: کیا دودھ دینے والی گائے اس کی قربانی ہو جاتی ہے، اس کے پیچھے اس کا بچہ بھی ہے، جو دودھ پیتا ہے تو گائے کی قربانی کرنا چاہ رہے ہیں تو کیا ایسا کرنا جائز ہے؟
جواب: قربانی ہو جائے گی، لیکن لوگ حاملہ اور دودھ والے جانور کو ذبح نہیں کرتے، اجتناب کرتے ہیں، دلائل کی رو سے قربانی کرنا صحیح ہے، بعض روایت میں مطلقاً کہا گیا ہے کہ دودھ والے جانور سے اجتناب کریں، لیکن اگر کوئی قربانی کرتا ہے تو قربانی ہو جائی گی۔
فضیلۃ الشیخ عبد الوکیل ناصر حفظہ اللہ
