سوال (1665)
دعائے نور کس دعا کو کہتے ہیں ؟
جواب
مندرجہ ذیل دعا کو دعائے نور کہا جاتا ہے ۔
“اللَّهُمَّ اجْعَلْ فِي قَلْبِي نُورًا، وَفِي بَصَرِي نُورًا، وَفِي سَمْعِي نُورًا، وَعَنْ يَمِينِي نُورًا، وَعَنْ يَسَارِي نُورًا، وَفَوْقِي نُورًا، وَتَحْتِي نُورًا، وَأَمَامِي نُورًا، وَخَلْفِي نُورًا، وَاجْعَلْ لِي نُورًا”
شيخ الحديث مولانا عبدالعزيز علوی حفظہ الله صحیح مسلم ، حدیث نمبر 1788 کے تحت لکھتے ہیں کہ آپ صلی اللہ علیہ وسلم رات کو دعائے نوری کرتے تھے جس کا مقصد یہ تھا کہ اے اللہ میرے دل، میرے قالب، میری روح، میرے جسم اور جسم کے ہر حصہ میں اور میری رگ رگ اور ریشہ میں نور بھر دے صرف مجھے ہی ازسر تا پیر نور نہ بنا بلکہ میرے گردو پیش میرے آگے پیچھے اور اوپر نیچے ہر طرف نور ہی نور کر دے، تاکہ میں لوگوں کے لیے ہر اعتبار اور ہر حیثیت سے مشعل راہ بنوں اور میرے ہر قول و فعل اور حرکت میں نور ہی نور ہو۔
فضیلۃ العالم عبداللہ عزام حفظہ اللہ
