سوال (4657)
کیا جو حج آپ صلی اللہ علیہ وسلم نے حجۃالوداع کیا وہ جمعہ کے دن آیا تھا یا کسی اور دن میں اس کی وضاحت مطلوب ہے۔
جواب
حدثنا هشام بن عمار، حدثنا صدقة بن خالد، حدثنا هشام بن الغاز، قال: سمعت نافعا، يحدث عن ابن عمر: ان رسول الله صلى الله عليه وسلم وقف يوم النحر بين الجمرات في الحجة التي حج فيها، فقال النبي صلى الله عليه وسلم:” اي يوم هذا؟”، قالوا: يوم النحر، قال:” فاي بلد هذا؟”، قالوا: هذا بلد الله الحرام، قال:” فاي شهر هذا؟”، قالوا: شهر الله الحرام، قال:” هذا يوم الحج الاكبر ودماؤكم واموالكم واعراضكم عليكم حرام، كحرمة هذا البلد، في هذا الشهر، في هذا اليوم”، ثم قال:” هل بلغت؟”، قالوا: نعم، فطفق النبي صلى الله عليه وسلم يقول:” اللهم اشهد، ثم ودع الناس”، فقالوا: هذه حجة الوداع،
عبداللہ بن عمر رضی اللہ عنہما سے روایت ہے کہ رسول اللہ صلی اللہ علیہ وسلم نے جس سال حج کیا دسویں ذی الحجہ کو جمرات کے درمیان کھڑے ہوئے اور فرمایا: ”آج کون سا دن ہے“؟ لوگوں نے عرض کیا: یہ یوم النحر ہے، پھر آپ صلی اللہ علیہ وسلم نے فرمایا: ”یہ کون سا شہر ہے“؟ لوگوں نے عرض کیا: یہ اللہ کا حرمت والا شہر ہے، پھر آپ صلی اللہ علیہ وسلم نے فرمایا: ”یہ کون سا مہینہ ہے“؟ لوگوں نے عرض کیا: یہ اللہ کا حرمت والا مہینہ ہے، آپ صلی اللہ علیہ وسلم نے فرمایا: ”یہ حج اکبر کا دن ہے، اور تمہارے خون، تمہارے مال، تمہاری عزت و آبرو اسی طرح تم پر حرام ہیں جیسے اس شہر کی حرمت اس مہینے اور اس دن میں ہے“، پھر آپ صلی اللہ علیہ وسلم نے فرمایا: ”کیا میں نے (اللہ کے احکام تم کو) پہنچا دئیے ہیں“؟ لوگوں نے عرض کیا: جی ہاں، (آپ نے پہنچا دئیے) پھر آپ صلی اللہ علیہ وسلم یہ فرمانے لگے: ”اے اللہ! تو گواہ رہ“، اس کے بعد لوگوں کو رخصت کیا، تو لوگوں نے کہا: یہ حجۃ الوداع یعنی الوداعی حج ہے۔
فضیلۃ الباحث کامران الٰہی ظہیر حفظہ اللہ
حجہ الوداع میں نو ذو الحجہ کو میدان عرفات میں جمعہ کا دن تھا، یوم النحر کو ہفتہ تھا۔
فضیلۃ الشیخ عبد الوکیل ناصر حفظہ اللہ
