ہر مردے کو مرحوم کہنا

سوال (2427)

کیا ہر مردے کو مرحوم کہہ سکتے ہیں؟

جواب

بعض علماء کی طرف سے یہ بات سننے میں آ رہی ہے، حالانکہ یہ کوئی پیچیدہ مسئلہ نہیں ہے، صحیح بات یہ ہے کہ مرحوم کا معنیٰ وہی لیا جائے گا جو “رحمۃ اللہ علیہ” کا ہے، گویا ہم اس کو دعا دے رہے ہیں کہ اللہ تعالیٰ اس پر رحمت کرے یا امید ہے کہ اللہ تعالیٰ اس کو رحمت عطاء فرمائے گا، پھر اس میں کوئی حرج نہیں ہے، یہ صیغے ایک دوسرے کی جگہ استعمال ہوجاتے ہیں۔

فضیلۃ الشیخ عبد الوکیل ناصر حفظہ اللہ