سوال (1713)
عدت کے دوران عورت کس کس سے پردہ کر سکتی ہے ؟
جواب
وہ عدت میں ہو یا عام حالت میں ہر غیر محرم سے پردہ کرنا شرعی حکم ہے ۔
فضیلۃ الشیخ سعید مجتبیٰ سعیدی حفظہ اللہ
عورت کے پردے کے حوالے سے عدت میں ہونا یا عدت سے باہر آنا اس میں کوئی فرق نہیں ہے ، جن لوگوں سے عورت بغیر عدت پردہ کرتی ہے ، عدت کے دوران بھی ان سے پردہ ہے ، اس لحاظ سے شریعت نے کوئی پابندی نہیں رکھی ہے کہ عدت کے دوران فلاں فلاں سے پردہ کرے اور فلاں فلاں سے نہ کرے ، پردے کے لحاظ سے تمام خواتین کے احکام ایک جیسے ہیں ۔
فضیلۃ الشیخ عبدالرزاق زاہد حفظہ اللہ
