سوال (3535)
مقتدی کی ایک رکعت نکل گئی ہے اور امام نے چار کے بجائے بھول کر پانچ رکعتیں پڑھ لی ہیں، جو امام کی پانچویں تھی، وہ مقتدی کی مکمل نماز ہوگئی ہے، تو اب کیا سلام کے بعد دوبارہ مقتدی اپنی نکلی ہوئی رکعت پڑھے گا؟
جواب
مقتدی کی چار رکعات ہوگئی ہیں، امام نے بھول کر پانچ رکعت پڑھائی ہیں، مقتدی سلام پھیر دے گا، کیونکہ مقتدی کی نماز مکمل ہوگئی ہے۔
فضیلۃ الشیخ عبد الوکیل ناصر حفظہ اللہ
سوال: میں عصر کی نماز پڑھ رہا تھا جماعت کے ساتھ اور پہلی رکعت مجھ سے رہ گئی امام صاحب نے غلطی سے پانچ رکعت ادا کروا دی اور سجدہ سہو بھی کر لیا اب میری چار رکعت امام صاحب کے ساتھ میری امام صاحب کے ساتھ چار رکعت پوری ہو گئی تھی تو اس صورت میں کیا مجھے امام صاحب کے ساتھ سلام پھیر دینا تھا یا ایک رکعت اور ادا کرنی چاہیے تھی۔
جواب: جب آپکی چار رکعت پوری ہوگئیں تو امام کے ساتھ ہی سلام پھیرنا تھا۔
پانچویں رکعت عمداً پڑھنا جائز نہیں۔
فضیلۃ العالم فہد انصاری حفظہ اللہ
سائل: اب نماز لوٹانی ہوگی؟
جواب: نہیں، یہ لاعلمی میں ہوا ہے لہذا آئندہ خیال رکھا جائے۔
فضیلۃ العالم فہد انصاری حفظہ اللہ
