خون والے کپڑوں میں نماز پڑھنا

سوال (4348)

کپڑوں میں خون لگا ہے، کیا نماز پڑھ سکتے ہیں؟

جواب

جسم سے نکلنے والا عام خون نجس نہیں، صحابی کو تیر لگا، جس سے خون بہنے لگا لیکن پھر بھی انہوں نے نماز جاری رکھی۔ [ابوداؤد: 198، سندہ،حسن]
یہ اس بات کی دلیل ہے کہ خون نجس نہیں کیونکہ نجاست جسم کو لگے تو نماز باطل ہو جاتی ہے، اس سے یہ بھی ثابت ہوتا ہے کہ شرم گاہ کے علاوہ جسم کے کسی حصہ سے خون نکلنا یہ نواقض وضو میں شامل نہیں۔
ھذا ما عندی واللہ اعلم بالصواب

فضیلۃ الباحث ابو زرعہ احمد بن احتشام حفظہ اللہ

خون نجس ہوتا ہے، اس پر سلف وخلف کے تمام علماء کا اجماع ہے۔ اس کی طہارت کا موقف نیا ہے، اس لیے اگر خون زیادہ ہے تو اسے لازما دھوئیں گے، الا یہ کہ مجبوری ہو، جیسے خون مسلسل جاری ہو، جیسے بعض صحابہ کو تیر وغیرہ لگا تو انہوں نے نماز جاری رکھی یا اسی طرح نماز پڑھی۔ یا جنگ وغیرہ ہو کہ وہاں خون دھونا ممکن نہ ہو تو بھی استثنائی حالت ہے، جیسا کہ ہمیشہ سے مسلمان مجاہدین کرتے چلے آ رہے ہیں یا خون بالکل معمولی ہو جیسا کہ پھنسی پھوڑے سے ایک آدھ قطرہ نکل آتا ہے۔

فضیلۃ الباحث حافظ محمد طاہر حفظہ اللہ

غير متفق تماما

فضیلۃ الشیخ عبد الوکیل ناصر حفظہ اللہ
فضیلۃ الباحث ابرار احمد حفظہ اللہ

سائل: دعویٰ اجماع پر دلیل بیان فرمائیں۔
جواب: بارك الله فيكم…
ہمارے علم کے مطابق تو 1200 ہجری سے قبل کی کوئی بھی شرح، تفسیر یا فقہ کی کتاب میں یہ مسئلہ دیکھا جائے، تو علماء مسلمین کے ہاں قولا واحد دم كثير نجس ہی بیان ہوتا رہا ہے۔ اہل حدیث، حنبلی، شافعی، مالکی، حنفی، حتی کہ ظاہری بھی سب متفق تھے۔
اگر کسی عالم کی “صراحت” مخالفت میں مل جائے تو بہت مفید رہے گی۔ علامہ شوکانی رحمہ اللہ (1250ھ) نے سب سے پہلے اس موقف کی صراحت کی ہے۔ پھر اس کے بعد بعض اہلِ علم نے اسے بعض متقدمین ائمہ کی عبارات سے ان کی طرف اس موقف کو منسوب کرنے کی ضرورت محسوس کی،…
ورنہ یہ اصلا معتزلہ کا موقف ہے۔

فضیلۃ الباحث حافظ محمد طاہر حفظہ اللہ

“والإجماع لا بد له من مستند” وہ بیان فرما دیں۔