سوال (4128)
شیوخ کرام ایک خواب کی تعبیر مقصود ہے کہ ایک بندے نے خواب دیکھا کہ شیر اس کے پیچھے لگا ہے، وہ بھاگ رہا ہے، لیکن اس کو پکڑ لیا اور اس کو شیر نے زخمی بھی کیا ہے، اور بعد میں اس بندے کو ہاسپیٹل میں لے جایا گیا ہے۔ پہر اسکی آنکھ کھل گئی۔
جواب
کوئی دشمن نقصان پہنچائے گا یا کوئی بیماری لاحق ہوگی۔ واللہ اعلم۔
دعاؤں کا اور اذکار کا اہتمام کریں، احتیاطی تدابیر کے ساتھ ساتھ صدقات کا بھی اہتمام کریں تاکہ اللہ عافیت عطا فرمائے۔
فضیلۃ العالم فہد انصاری حفظہ اللہ
سوال: خواب کی تعبیر مطلوب ہے۔ خواب میں دیکھتا ہوں شیر جانور مجھ پر حملہ کرتا ہے۔ براہ کرم اس کی تعبیر فرما دیں۔
جواب: شیر اگر حملہ کرے تو اس سے کوئی طاقتور دشمن مراد ہے جو آپ کو نقصان پہنچانا چاہتا ہے، اگر وہ آپ کو زخمی کردے تو مراد یہ ہے کہ دشمن کا وار کارگر ثابت ہوا یا پھر کوئی مرض لاحق ہوگا، اور اگر آپ اس سے بھاگتے ہیں اور بچ جاتے ہیں۔ تو یہ دشمن یا مرض سے نجات کی دلیل ہے۔ واللہ اعلم
فضیلۃ العالم فہد انصاری حفظہ اللہ
عموما شیر سے مراد شیطان یا نفس کا حملہ لیا جاتا ہے اس لئے کہ یہ عدو مبین ہے اور نفس بھی امارہ ہو تو خطرناک ہے اور یہ اس وقت نقصان دہ ہوتے ہیں جب انسان واجبات میں کوتاہی کرے یا اہم ترین نوافل جیسے سنت فجر یا وتر میں کوتاہی کرے۔
فضیلۃ العالم محمد زبیر غازی حفظہ اللہ
