کیا انسان کی خانہ کعبہ سے زیادہ فضیلت ہے؟

سوال (2440)

انسان کی خانہ کعبہ سے زیادہ فضیلت ہے ، اسی طرح کی کوئی روایت ہے؟روایت بھی پیش کریں۔

جواب

سیدنا عبداللہ بن عباس رضی اللہ عنہما سے روایت ہے کہ رسول اللہ صلی اللہ علیہ وسلم نے کعبہ کی طرف دیکھا اور فرمایا: “تو کتنی عظیم حرمتوں والا ہے، دوسری روایت میں ہے: جب رسول اللہ صلی اللہ علیہ وسلم نے کعبہ کی طرف دیکھا تو فرمایا: اے اللہ کے گھر! تجھے مرحبا ہو، تو کتنا عظیم ہے، تیری حرمت کتنی عظیم ہے، لیکن اللہ تعالیٰ کے ہاں ایک مومن کی حرمت تجھ سے زیادہ ہے، بیشک اللہ تعالیٰ نے تجھ سے ایک چیز کو اور مومن سے تین چیزوں یعنی خون، مال اور سوئے ظن کو حرام قرار دیا ہے”
[سلسله احاديث صحيحه : ترقیم البانی : 3420]

فضیلۃ العالم عبداللہ عزام حفظہ اللہ