کسی کے قدموں میں جھکنے سے بیوی کا حرام ہونا؟

سوال (341)

ایک بندہ کہتا ہے کہ آپ میرے قدموں میں نہ جھکیں کیونکہ آپ کے قدموں میں جھکنے کی وجہ سے میری بیوی میرے اوپر حرام ہو جائے گی ، اس صورت میں کیا جواب ہوگا ؟

جواب

بے علمی کا دور دورہ ہے ، لوگ اس طرح کی حرکات و سکنات کیوں کرتے ہیں ، کسی کے جھکنے کی وجہ سے اپنی بیوی کو اپنے اوپر حرام کرلینا عجیب سی بات ہے ، بڑی سخت تعلیم و تربیت کی ضرورت ہے ۔
باقی اگر وہ یہ نیت کر رہا ہے کہ اس کی وجہ سے طلاق ہے ، تو نیت کی وجہ سے طلاق ہوجائے گی ، کیونکہ الفاظ واضح نہیں ہیں ، کنایہ ہے ، کنائے میں نیت کو دیکھا جاتا ہے ، اگر طلاق کی نیت ہوگی تو ایک طلاق واقع ہو جائے گی ، اگر نیت میں طلاق نہیں تھی تو پھر طلاق واقع نہیں ہوگی ۔

فضیلۃ الشیخ عبد الوکیل ناصر حفظہ اللہ