سوال (6104)
نبی صلی اللہ علیہ وسلم نے کس صحابی کے بارے میں کہا تھا کہ وہ حلال و حرام کے بارے میں زیادہ جانتے ہے؟
جواب
یہ مکمل حدیث اس طرح ہے، سیدنا انس بن مالک رضی الله عنہ کہتے ہیں کہ رسول اکرم ﷺ نے فرمایا: ”میری امت میں سب سے زیادہ میری امت پر رحم کرنے والے ابوبکر ہیں اور اللہ کے معاملہ میں سب سے زیادہ سخت عمر ہیں اور سب سے زیادہ سچی حیاء والے عثمان ہیں اور اللہ کی کتاب کے سب سے بڑے قاری ابی بن کعب ہیں اور فرائض (میراث) کے سب سے بڑے جاننے والے زید بن ثابت ہیں اور حلال و حرام کے سب سے بڑے عالم معاذ بن جبل ہیں اور سنو ہر امت کا ایک امین ہوتا ہے اور اس امت کے امین ابو عبیدہ بن الجراح ہیں۔“ یہ حدیث حسن صحیح ہے۔
[سنن ترمذي/كتاب المناقب عن رسول الله صلى الله عليه وسلم/حدیث: 3791]
فضیلۃ العالم عبد اللہ عزام حفظہ اللہ
