کیا ٹوپی سر کے درمیان میں رکھنا یہودیت کا طریقہ ہے؟

سوال (1685)

شیخ ہمارے ہاں جو اکثر لوگ ٹوپی پہنتے ہیں تو سر کے آگے والے حصے کو ننگا کرکے ٹوپی سر کے بیچ میں رکھتے ہیں ، میں نے شیخ عبداللہ ناصر رحمانی حفظہ اللہ سے سنا تھا کہ اس طرح ٹوپی پہننا یہودیوں کا طریقہ ہے ، تو شیخ عرض یہ ہے کہ اس حوالے سے رہنمائی فرمائیں ۔

جواب

شیخ عبداللہ ناصر رحمانی حفظہ اللہ نے جو بات فرمائی ہے ، وہ بات صحیح ہے ، شیخ صاحب محدثِ وقت ہیں ، کبار اہل علم میں سے ہیں ، ہم جب پڑھتے تھے تو ہمارے مشائخ بھی اسی طرح بتایا کرتے تھے ، آگے سے بال چھوڑ کر درمیان میں چھوٹی سی ٹوپی رکھنا یہ یہودیت اور عیسائیت کا طریقہ ہے ، آج بھی مشاہدہ کر سکتے ہیں کہ یہوداور عیسائی چھوٹی ٹوپی رکھتے ہے ۔ باقی شریعت میں جو سر ڈھانپنا ہے وہ آپ عمامہ ، ٹوپی یا رومال خواہ جس کے ذریعے چاہیں ، سر ڈھانپ سکتے ہیں ، کبھی کبھار سر کو ننگا بھی چھوڑ سکتے ہیں ۔

فضیلۃ الشیخ عبد الوکیل ناصر حفظہ اللہ