کیا وضوء کے لیے استنجاء ضروری ہے؟

سوال (1470)

استنجاء کے بغیر وضو ہو جاتا ہے کہ نہیں بعض لوگوں کا کہنا ہے کہ جب تک آپ استنجاء نہیں کرتے ہیں ، آپ کا وضو نہیں ہوتا ہے ، اگر ہوا خارج ہو گئی تو استنجا لازمی ہے ، اس حوالے سے رہنمائی فرمائیں ۔

جواب

وضوء کیلیے استنجاء شرط نہیں ہے اور استنجاء تب کیا جاتا ہے ، جب کوئی حسی چیز سبیلین سے نکلے ، انسان کی دُبر سے جب ہوا نکلتی ہے تو اس سے وضو ٹوٹ جاتا ہے ، مگر اس سے استنجا کرنا، یعنی شرمگاہ کا دھونا لازم نہیں آتا ہے ، کیونکہ اس سے کوئی ایسی چیز خارج نہیں ہوئی ہوتی جس سے جسم کا دھونا لازم آئے۔ ہوا کا خارج ہونا نواقض وضو ہے ، صرف مسنون وضو کر لینا کافی ہوتا ہے۔ واللہ اعلم بالصواب

فضیلۃ العالم عبدالرحیم حفظہ اللہ