مغرب سے پانچ منٹ پہلے تحیۃ المسجد پڑھ سکتے ہیں؟

سوال (1337)

مغرب کی نماز سے پانچ منٹ پہلے مسجد میں داخل ہونے والا تحیة المسجد پڑھ سکتا ہے یا ایسا شخص اذان کا انتظار کرے ؟

جواب

اگرچہ سببی نماز کی علماء کرام اجازت دیتے ہیں کہ جو بھی وقت ہو ، مسجد میں آئے تو تحیۃ المسجد پڑھے گا ، لیکن سورج کے طلوع ہونے ، غروب ہونے اور نصف النھار ہونے کےاوقات میں نماز سے روکا گیا ہے ، کوئی بھی جگہ اوقات سے تو خالی نہیں ہے ، لہذا جب اندازہ ہوجائے کہ اب سورج غروب ہونے ہی والا ہے ، تو میں سمجھتا ہوں کہ بہتر یہ ہے کہ آپ نماز ادا نہ کریں ، اس کے علاہ سببی نماز ہوسکتی ہے، لیکن ہر وقت سببی نماز کی اجازت دیں گے تو جو احادیث ممانعت کی ہیں پھر ان کا کیا جواب ہوگا ، اگرعصر کےبعد کوئی آیا ہے ، فجر کے بعد کوئی آیا ہے ، اور اچھا خاصا ٹائم سورج کے غروب ہونے میں ہے پھر اور صورت ہے ، لہذا کچھ صورتوں میں اجازت ہے اور کچھ صورتوں میں اجازت نہیں ہے ، اگر سورج کے غروب ہونے کا ٹائم ہوگیا ہے تو آپ انتظار کریں ، اور اگر کافی وقت باقی ہے تو پڑھ لیں، تحیۃ المسجد توویسے ہی فرض نہیں ہے ۔

فضیلۃ الشیخ عبد الوکیل ناصر حفظہ اللہ