مکہ مکرمہ میں مقیم شخص عمرہ کا احرام کہاں سے باندھے گا؟

سوال (5146)

اگر کوئی شخص مکہ مکرمہ میں رہائش پذیر ہے یا ملازمت کرتا ہے، اور وہ عمرہ کرنا چاہے تو کیا اسے باہر کسی میقات (نقطة احرام) پر جا کر احرام باندھنا ہوگا، یا وہ اپنی رہائش گاہ یعنی مکہ ہی سے احرام باندھ سکتا ہے؟

جواب

جو شخص مکہ مکرمہ کے اندر رہائش پذیر ہو، اُس کے لیے عمرہ کرتے وقت اپنی رہائش گاہ (یعنی مکہ ہی سے) احرام باندھنا سنت اور درست ہے۔ اسے میقات پر جا کر احرام باندھنے کی ضرورت نہیں، کیونکہ وہ پہلے ہی حدودِ میقات کے اندر موجود ہے۔
حضرت ابن عباس رضی اللہ عنہما سے روایت ہے:

ومن كان دون ذلك فمن حيث أنشأ، حتى أهل مكة من مكة. (صحیح البخاري: 1524)

“اور جو شخص (میقات سے) اندر ہے، وہ جہاں سے (عمرہ یا حج کا) ارادہ کرے، وہیں سے احرام باندھے، حتیٰ کہ اہلِ مکہ، مکہ ہی سے۔”
یہی جمہور علما کا موقف ہے، اور یہی نبی اکرم ﷺ کی سنت سے ثابت ہے۔

فضیلۃ العالم حافظ خضر حیات حفظہ اللہ