سوال (3654)
کیا موسیقی کے ساتھ اشعار پڑھنا شرعاً درست ہے؟ کسی بھی نظم کو اس انداز میں پڑھا جا سکتا ہے؟
جواب
مندرجہ ذیل اشیاء سے پرہیز کرنا چاہیے۔
(1) میوزک و موسیقی نہ ہو۔
(2) شعار میں بیہودگی نہ ہو۔
(3) شرک و بدعات سے خالی ہو۔
ان چیزوں کے علاؤہ گنجائش ہو سکتی ہے، لیکن عام طور پہ مباحث یہ ہیں۔
فضیلۃ الشیخ عبد الوکیل ناصر حفظہ اللہ
موسیقی حرام ہے، جیسا کہ حدیث میں گانے بجانے کو حلال سمجھنے والوں کے لیے عذاب کا ذکر ہے۔
[بخاری: 5590]
وَمِنَ النَّاسِ مَنۡ يَّشۡتَرِىۡ لَهۡوَ الۡحَدِيۡثِ لِيُضِلَّ عَنۡ سَبِيۡلِ اللّٰهِ بِغَيۡرِ عِلۡمٍۖ وَّيَتَّخِذَهَا هُزُوًا ؕ اُولٰٓئِكَ لَهُمۡ عَذَابٌ مُّهِيۡنٌ [سورۃ لقمان: 6]
اور بعض لوگ ایسے بھی ہیں جو لغو باتوں کو مول لیتے ہیں کہ بے علمی کے ساتھ لوگوں کو اللہ کی راہ سے بہکائیں اور اسے ہنسی بنائیں یہی وہ لوگ ہیں جن کے لئے رسوا کرنے والا عذاب ہے۔
اس میں لھو الحدیث میں گانا، بری شاعری بھی شامل ہے۔
ھذا ما عندی واللہ اعلم بالصواب
فضیلۃ الباحث احمد بن احتشام حفظہ اللہ
