سوال (125)
“نکاح پڑھانے کا ہدیہ”
اگر دلہن باکرہ (کنواری) ہے ، تو اس کا نکاح پڑھانے کا ہدیہ ایک دینار ہے ، اور ثیبہ (بیوہ) ہو تو آدھا دینار ۔
دینار سونے کا ہوتا ہے ، اور ایک دینار کا موجودہ وزن 4 گرام 665 ملی گرام اور تین خمس ہے ، جیسا کہ سیدی تاج الشریعہ نے فتاویٰ تاج الشریعہ میں بیان کیا ہے ، تو آج کے بھاؤ سے ایک دینار کی قیمت تقریباً 25000 ہے ، لہذا باکرہ (کنواری) کا نکاح پڑھانے کا ہدیہ 25000 ہوتا ہے ، اور ثیبہ (بیوہ) کا نکاح پڑھانے کا ہدیہ 12500 اس سے کم رقم میں قاضی (آئمہ مساجد) نکاح پڑھاتے ہیں ، تو یہ ان کا مسلمانوں پر کرم ہے۔
شیخ اس بارے میں رہنمائی فرمائیں؟
جواب
واللہ اعلم یہ کس فقیہ نے اپنے حساب سے لکھ دیا ہے ، باقی یہ ہے کہ یہ دینی امور میں سے ہے ، دینی امور پر اجرت لینا جائز ہے ، بس یہ ہے کہ لالچ و طمع نہیں ہونا چاہیے ، باقی جو اہل علم اور علماء دینی امور پر مامور ہوتے ہیں ان کا ذرا خیال رکھیں ۔ جو فارم اور رجسٹریشن وغیرہ ہیں ، اس کے جو جائز پیسے بنتے ہیں وہ پیسے لے لیں ، اس میں حد بندیاں کرنا ایسا کوئی مسئلہ نہیں ہے اور نہ ہی ہم نے کبھی پڑھا ہے اور نہ سنا ہے ۔
فضیلۃ الشیخ عبد الوکیل ناصر حفظہ اللہ
