دنیا میں مگن نہ ہو جائیں!
شرک بہت بڑا معاملہ ہے، اور ہم اپنے مسلمان بھائیوں کو اس چیز سے خبردار کرتے ہیں جس میں وہ آج کل مبتلا ہیں یعنی دنیا میں شدید مشغولیت، یہاں تک کہ وہ اس مقصد سے غافل ہو گئے جس کے لیے انہیں پیدا کیا گیا تھا اور اس چیز میں لگ گئے جو ان کے لیے پیدا کی گئی تھی؛ آج کل عام لوگ دنیا میں مشغول ہیں، ان کے خیالات میں صرف دنیا ہی ہے، وہ کھڑے ہوں یا بیٹھے، سوتے ہوں یا جاگتے، دنیا کے ہی خیالات میں مگن رہتے ہیں اور یہ درحقیقت شرک کی ایک قسم ہے، کیونکہ یہ اللہ عزوجل سے غفلت کا سبب بنتی ہے؛ اور اسی وجہ سے نبی کریم ﷺ نے ایسا کرنے والے کو اسی چیز کا بندہ قرار دیا جس کی وہ عبادت کرتا ہے، چنانچہ فرمایا:
’’تباہ ہو جائے دینار کا بندہ، تباہ ہو جائے درہم کا بندہ، تباہ ہو جائے کمبل کا بندہ، تباہ ہو جائے نرم کپڑے کا بندہ۔‘‘
(صحیح البخاري : ٦٤٣٥)
اگر بندہ اپنے دل اور اعضاء کے ساتھ اللہ کی طرف متوجہ ہو جائے تو جو دنیا اس کے لیے مقدر ہے، وہ اسے حاصل ہو کر رہے گی؛ پس دنیا ایک ذریعہ ہے، مقصد نہیں، اور ہلاک ہو گیا وہ شخص جس نے اسے مقصد بنا لیا۔ آپ اسے مقصد کیسے بنا سکتے ہیں، جبکہ آپ خود نہیں جانتے ہیں کہ آپ دنیا میں کتنی دیر رہیں گے؟! اور آپ اسے مقصد کیسے بنا سکتے ہیں، حالانکہ اس کی خوشیاں غم کے ساتھ ملی ہوئی ہیں، جیسا کہ شاعر نے کہا:
’’ایک دن ہمارے خلاف، ایک دن ہمارے حق میں، ایک دن ہمیں رنج ہوتا ہے، اور ایک دن ہمیں خوشی حاصل ہوتی ہے۔‘‘
(الشيخ محمد بن صالح العثيمين رحمه الله | القول المفيد : ١/ ٤٠٩)
حافظ محمد طاہر حفظہ اللہ
