سوال (4589)
کیا شیعہ شخص کے جنازے میں شرکت کر سکتے ہیں؟
جواب
اہل تشیع تحریف قرآن کے قائل ہیں، احادیث نبویہ کے منکر ہیں، ایمان صحابہ کے منکر اور بعض تقیہ کر جاتے ہیں یا صحابہ کرام رضوان الله تعالی علیھم اجمعین پر طعن وجرح کرتے ہیں ان کے وہ عقائد واعمال نہیں جو کتاب وسنت سے ثابت ہیں، باقی اگر کوئی شیعہ قرآن وحدیث پر ایمان رکھتا ہے اور اس کی عبادات واحکام قرآن وحدیث منہج سلف صالحین کے موافق ہیں تو ان کی نماز جنازہ پڑھی جا سکتی ہے۔
هذا ما عندي والله أعلم بالصواب
فضیلۃ العالم ابو انس طیبی حفظہ اللہ
سوال: کیا شیعہ کا جنازہ شیعہ عالم کے پیچھے پڑھنا جائز ہے؟
جواب: ان کے جنازہ میں شرکت کرنا جائز نہیں ہے، ہاں اگر وہ عقیدہ وایمان میں أهل السنة، سلف صالحین کے موافق ہیں تو تب درست ہے۔
فضیلۃ العالم ابو انس طیبی حفظہ اللہ
اہل تشیع کا نماز جنازہ پڑھنا ضروری نہیں ہے، کم سے کم اہل بدعت کا فتویٰ تو دیں گے، بدعتی لوگوں کے جنازے سلف صالحین نہیں پڑھتے تھے، اگلا سوال بذات خود ختم ہو جاتا ہے کہ ان کے عالم کے پیچھے نماز جنازہ پڑھنا کیسا ہے، ہمارے نزدیک جائز نہیں ہے، الا کہ آپ کے دعوت کا میدان سجا لیا ہے تو صرف منہ دیکھا کہ آ جائیں۔
فضیلۃ الشیخ عبد الوکیل ناصر حفظہ اللہ
سوال: ایک شخص ہیں ان کے خالو فوت ہوئے ہیں جو کہ اہل تشیع میں سے ہیں ان کا نماز جنازہ پڑھنا کیسا ہے۔
جواب: کوئی بھی شخص جو صحابہ سے بغض رکھتا ہو اور شرک کرتا ہو، غیر اللہ کو پکارتا اور مشکل کشا سمجھتا ہو یا اس میں اسی طرح دیگر قباحتیں موجود ہوں، ایسے افراد کا نماز جنازہ پڑھنا جائز نہیں ہے۔ واللہ اعلم
فضیلۃ العالم فہد انصاری حفظہ اللہ
