سوال (2893)
اگر کوئی نماز کے دوران ایک رکعت میں سورۃ فاتحہ نہ پڑھ سکا ہے تو اس کے لیے کیا حکم ہے؟
جواب
اگر سورۃ فاتحہ رہ گئی ہے تو ہمارے نزدیک راجح یہ ہے کہ وہ رکعت دہرائی جائے گی.
سیدنا عبادہ بن الصامت رضی اللہ عنہ فرماتے ہیں کہ رسول اللہ صلی اللہ علیہ وسلم نے فرمایا:
“لَا صَلَاةَ لِمَنْ لَمْ يَقْرَأْ بِفَاتِحَةِ الْكِتَابِ” [صحيح البخاري: 756]
«سورۃ فاتحہ کے بغیر کوئی بھی نماز نہیں ہے»
فضیلۃ الشیخ عبد الوکیل ناصر حفظہ اللہ
سوال: اگر میں اکیلا نماز پڑھ رہا ہوں اور سورۃ فاتحہ کے کوئی لفظ نہ پڑھوں یا کوئی آیت چھوٹ جائے، تو کیا سجدہ سہو سے نماز ادا ہو جائے گی؟
جواب: وہ رکعت دوبارہ دہرا کر سجدہ سھو کیا جائیگا کیونکہ فاتحہ کے بغیر نماز نہیں ہوتی۔ واللہ اعلم
فضیلۃ العالم فہد انصاری حفظہ اللہ
