سوال (2366)
اس حدیث کے الفاظ کس طرح ہیں، منبر پر قدم رکھا اور کہا آمین پھر قدم رکھا کہا آمین۔
جواب
عن جابر بن عبد الله، ان النبي صلى الله عليه وسلم رقى المنبر، فلما رقى الدرجة الاولى، قال: ”آمين“، ثم رقى الثانية، فقال: ”آمين“، ثم رقى الثالثة، فقال: ”آمين“، فقالوا: يا رسول الله، سمعناك تقول: ”آمين“ ثلاث مرات؟ قال: ”لما رقيت الدرجة الاولى جاءني جبريل صلى الله عليه وسلم، فقال: شقي عبد ادرك رمضان، فانسلخ منه ولم يغفر له، فقلت: آمين، ثم قال: شقي عبد ادرك والديه او احدهما فلم يدخلاه الجنة، فقلت: آمين، ثم قال: شقي عبد ذكرت عنده ولم يصل عليك، فقلت: آمين.
سیدنا جابر بن عبداللہ رضی اللہ عنہما سے روایت ہے کہ نبی صلی اللہ علیہ وسلم منبر پر جلوہ افروز ہوئے۔ جب پہلی سیڑھی پر چڑھے تو فرمایا: ”آمین۔“ پھر دوسری پر چڑھے تو فرمایا: ”آمین “، پھر تیسری پر پڑھے تو فرمایا: ”آمین۔“ صحابہ نے کہا: اللہ کے رسول! ہم نے آپ کو تین مرتبہ ”آمین“ کہتے ہوئے سنا؟ آپ صلی اللہ علیہ وسلم نے فرمایا: ”جب میں پہلی سیڑھی پر چڑھا تو جبرائیل میرے پاس آئے اور کہا: بدبخت ہے وہ شخص جس نے رمضان کا مہینہ پایا، پھر وہ گزر گیا اور اس کی بخشش نہ ہوئی، تو میں نے کہا: آمین۔ پھر کہا: بدنصیب ہے وہ بندہ جس نے اپنے والدین یا دونوں میں سے ایک کو پایا اور انہوں نے اس کو جنت میں داخل نہ کرایا، تو میں نے کہا: آمین۔ پھر کہا: کم بخت ٹھہرا وہ شخص جس کے سامنے آپ کا ذکر ہوا اور اس نے آپ پر درود نہ پڑھا۔ میں نے کہا: آمین۔“
[صحيح: أخرجه الطبراني فى الكبير: 243/2 و البيهقي فى شعب الإيمان: 3622، انظر صحيح الترغيب: 2491، قال الشيخ الألباني: صحيح]
فضیلۃ العالم عبداللہ عزام حفظہ اللہ
