والدین کو دفنانے کے بعد کچھ دیر قبر پر بیٹھنا

سوال (3467)

نبی کریم صلی اللہ علیہ وسلم نے فرمایا:
جب آپ کے والدین کی موت ہو جائے تو ان کی قبر کے قریب بیٹھ کر اللہ کا ذکر اتنی دیر تک کرو کہ جتنی دیر تک اونٹ ذبح کر کے تقسیم کیا جاتا ہے، کیونکہ جب دفن کیا جاتا ہے تو میت اس طرح پریشان ہو جاتی ہے، جس طرح ایک بندہ سمندر کی لہروں میں ڈوب کے مر رہا ہو جب ذکر ہو رہا ہو تو میت کو پریشان نہیں ہوتی، بلکہ میت بہت خوش ہوتی ہے کہ میری اولاد نے میرا حق ادا کر دیا اس پیاری سی بات کو اتنا پھیلاؤ کہ کوئی بھی اس سے بے خبر نہ رہے۔
اس حدیث میں بیان کردہ مسئلہ کی وضاحت درکار ہے، کیا یہ درست ہے؟

جواب

جھوٹی روایت ہے۔
قبر پر اونٹ ذبح کرکے تقسیم کرنے جتنی دیر تک دعا کرنے کے حوالے سے مرفوعاً کچھ ثابت نہیں. البتہ موقوفاً ثابت ہے، یہ عمرو بن العاص رضی اللہ عنہ کی اپنے بارے میں وصیت تھی۔
[مسلم : 321]
ھذا ما عندی واللہ اعلم بالصواب

فضیلۃ الباحث احمد بن احتشام حفظہ اللہ

یہ سیدنا عمرو بن العاص رضی اللہ عنہ کی اپنے بارے میں وصیت تھی، یہ کوئی شرعی حکم نہیں ہے۔

فضیلۃ الشیخ عبد الوکیل ناصر حفظہ اللہ

ایسی کوئی روایت ذخیرہ حدیث میں نہیں ہے، سوائے ایک صحابی کی اپنی اولاد کو وصیت کرنے کے اور مقصود ومراد اس سے زیادہ دیر تک ان کے لئے دعا کا اہتمام کرنا ہے جو درست عمل ہے اس نیت و ارادہ سے زیادہ وقت تک اولاد کا قبر پر رک کر دعا کرنا جائز عمل ہے اس کے علاوہ کوئی دوسرا معنی ومراد لینا باطل ومردود ہے۔
اس مسئلہ میں راقم کا ایک پرانا جواب ملاحظہ فرمائیں۔
جی یہ وصیت سیدنا عمرو بن العاص رضی الله عنہ نے اپنے بیٹے کو کی تھی۔ موت سے قبل۔۔۔
الفاظ ملاحظہ فرمائیں:

ﻓﺈﺫا ﺩﻓﻨﺘﻤﻮﻧﻲ ﻓﺸﻨﻮا ﻋﻠﻲ اﻟﺘﺮاﺏ ﺷﻨﺎ، ﺛﻢ ﺃﻗﻴﻤﻮا ﺣﻮﻝ ﻗﺒﺮﻱ ﻗﺪﺭ ﻣﺎ ﺗﻨﺤﺮ ﺟﺰﻭﺭ ﻭﻳﻘﺴﻢ ﻟﺤﻤﻬﺎ، ﺣﺘﻰ ﺃﺳﺘﺄﻧﺲ ﺑﻜﻢ، ﻭﺃﻧﻈﺮ ﻣﺎﺫا ﺃﺭاﺟﻊ ﺑﻪ ﺭﺳﻞ ﺭﺑﻲ
صحیح مسلم: (121)ﺑﺎﺏ ﻛﻮﻥ اﻹﺳﻼﻡ ﻳﻬﺪﻡ ﻣﺎ ﻗﺒﻠﻪ ﻭﻛﺬا اﻟﻬﺠﺮﺓ ﻭاﻟﺤﺞ، مستخرج أبی عوانہ: (200)، المسند المستخرج علی صحیح مسلم: (315)

امام بیھقی کی تبویب۔ ﺑﺎﺏ ﻣﺎ ﻳﻘﺎﻝ ﺑﻌﺪ اﻟﺪﻓﻦسے معلوم ہوتا ہے۔
کہ مراد ان کی طویل دیر تک دعا کرتے رہنے کی درخواست تھی کیونکہ اس عنوان کے تحت دعا کے متعلق امام صاحب حدیث لائے ہیں۔