سوال (5897)
والدہ کی وفات کو 10 سال ہو گئے ہیں۔ ان کی چوڑیاں تھی بہن کے پاس وہ اب بیچی ہے جو 850000 کی بکی ہے۔ ایک بہن کی تین سال پہلے وفات ہوئی ہے انکی کوئی اولاد نہیں شوہر زندہ ہے۔ ان کے دو بیٹے اور چھ بیٹیاں تھی۔ اس کو کس طرح تقسیم کریں۔ چھ بیٹیوں میں وہ بھی شامل ہے جن کی وفات ہو چکی ہے۔ اور یہ چوڑیاں اب بیچی ہے جس بہن کی وفات ہوئی ہے ان کے شوہر کو کیا حصہ ملے گا؟
جواب
والدہ کی وفات کے وقت انکے دو بیٹے اور چھ بیٹیاں حیات تھیں۔
جس بیٹی کا تین سال بعد انتقال ہوا اسکا بھی حصہ نکلے گا۔
یعنی 850000 کے دس حصے کر کے ہر بیٹی کو ایک حصہ یعنی 85000 اور ہر بیٹے کو دو حصے یعنی 170000 روپے دئیے جائیں گے۔
اب فوت شدہ بیٹی کے 85000 میں سے نصف 42500 انکے شوہر کو دئیے جائینگے۔
اب اس بیٹی کی اولاد نہیں۔ نہ ہی والدین ہیں البتہ سوال کے مطابق بہن بھائی ہیں جو عصبہ بنیں گے۔
دو بھائی اور پانچ بہنیں۔
باقی کے 42500 کے نو حصے کرکے ہر بہن کو 4722 روپے اور ہر بھائی کو 9444 روپے ملیں گے۔
واللہ اعلم
فضیلۃ العالم فہد انصاری حفظہ اللہ
