دوکاندار کا ایک ہی چیز کم قیمت اور زیادہ قیمت میں فروخت کرنا

سوال (933)

ایک دوکاندار ایک چیز کسی کو کم قیمت پر دیتا ہے اور کسی کو زیادہ قیمت پر دیتا ہے ۔ کیا ایسا کرنا درست ہے ؟

جواب

ایسا تو تقریبا ہر دوکاندار اور تاجر کرتا ہی ہے ۔ اس میں کوئی حرج نہیں ہے ۔

فضیلۃ الشیخ سعید مجتبیٰ سعیدی حفظہ اللہ

آدمی اپنی ملکیت کو مناسب منافع حاصل کر کے آگے بیچ سکتا ہے ، جس میں مسلمانوں کے لئے مشقت نہ ہو ، البتہ تفاوت ہو سکتا ہے ، کسی کو ارخص قیمت پر فروخت کر دے یا بالعکس فروخت کردے ۔

فضیلۃ الباحث اسامہ شوکت حفظہ اللہ