کیا سال کے درمیان میں آنے والی رقم پر زکاۃ ہے؟

سوال (1073)

اگر کوئی شخص صاحب نصاب ہوگیا ہے تو سال کے بعد زکاۃ اس وقت موجود رقم پر واجب ہوگی ، چاہے اس میں کچھ رقم دو چار مہینے پہلے آئی ہو ، یا پھر جب صاحب نصاب ہوگیا تو جو اس وقت رقم تھی اس پر زکاۃ ادا کریں گے ، جو رقم دو چار مہینے پہلے آئی ہے اس کا سال گزرنے دیں گے ، اس حوالے سے رہنمائی فرمائیں۔

جواب

اگر بغیر کسی تفصیل کے جواب دیا جائے تو سادہ سا جواب یہ ہوگا کہ وہ ایک مرتبہ ٹوٹل رقم زکاۃ نکال دے ، پھر اس کا سال بھر کا حساب سیدھا ہو جائے گا ۔
اگر تفصیل میں جانا چاہتے ہیں تو سال کے درمیان جو مال حاصل ہوا ہے ، پہلے جو نصاب تھا ، اس ہی کی پیدوار ہے ، یا اس ہی ذریعے آپ نے مال کو بڑھایا ہے ، پھر تو وہ اس میں شامل ہوگا اور ٹوٹل کی آپ زکاۃ دیں گے ۔
اگر وہ مال باہر سے آیا ہے ، یعنی ایک طرف نصاب کا مال تھا ، دوسری طرف یہ مال کہیں اور جگہ سے آگیا ہے ، مثلا آپ کو میراث وغیرہ مل گیا ہے ، یعنی جو پیسہ اضافہ ہوا ہے وہ الگ سے آیا ہے ، اس پیسے کا کمایا ہوا نفعہ نہیں ہے ، پھر آپ چاہیں تو اس کو الگ کر سکتے ہیں ۔

فضیلۃ الشیخ عبد الوکیل ناصر حفظہ اللہ