قرب قیامت قرآن کا اٹھ جانا

سوال (3984)

کیا کوئی ایسی حدیث ہے کہ قرب قیامت قرآن کریم کو لکھ کر مٹا دیا جائے گا؟

جواب

اس طرح نہیں ہے، بلکہ اس طرح ہے کہ قیامت کے قریب قرآن کے حروف اٹھا لیے جائیں گے، یہ بالکل آخر میں ہوگا، بعض روایات میں ہے، یہ بھی ہوسکتا ہے کہ اس میں بحث ہو۔

فضیلۃ الشیخ عبد الوکیل ناصر حفظہ اللہ

قرب قیامت قرآن پاک کے حروف مصحف سے اٹھا لیے جائیں گے یہ موقوفا ثابت ہے۔

حَدَّثَنَا عَمْرُو بْنُ عَاصِمٍ حَدَّثَنَا حَمَّادُ بْنُ سَلَمَةَ عَنْ عَاصِمٍ عَنْ زِرٍّ عَنْ ابْنِ مَسْعُودٍ* قَالَ لَيُسْرَيَنَّ عَلَى الْقُرْآنِ ذَاتَ لَيْلَةٍ فَلَا يُتْرَكُ آيَةٌ فِي مُصْحَفٍ وَلَا فِي قَلْبِ أَحَدٍ إِلَّا رُفِعَتْ
[سنن دارمی، کتاب: فضائل قرآن کا بیان، باب: قرآن کو یاد رکھنا، حدیث نمبر: 3209]

حضرت ابن مسعود بیان کرتے ہیں ایک رات ایسی آئے گی کہ لوگوں کو قرآن کا علم ہوگا اور پھر *کسی مصحف میں اور کسی بھی دل میں کوئی آیت نہیں رہنے دی جائے گی ہر ایک آیت کو اٹھا لیا جائے گا۔[سندہ ، حسن]
میسج لکھ کر مٹانا یہ ہرگز اس میں شامل نہیں۔ بعض لوگ اس طرح کی باتیں کرکے سوشل میڈیا پر اہل علم دین کی اشاعت کا وسیع کام کرتے ہیں اس کو روکنا چاہتے ہیں۔ اس لیے اس طرح کی لغو باتوں میں الجھاتے ہیں۔ لہذا ان جھوٹی باتوں کا رد کرنا چاہیے۔
ھذا ما عندی واللہ اعلم باالصواب

فضیلۃ الباحث احمد بن احتشام حفظہ اللہ

صحابی کا ایسی بات کو بیان کرنا جو امور غیب، جزا، اور سزا سے فضائل اعمال سے تعلق رکھتی ہو تو وہ انہوں نے اپنی مرضی اور اجتہاد سے بیان نہیں کی ہے کیونکہ ایسے امور کا اجتہاد وراے سے کوئی تعلق نہیں ہوتا ہے اس لئے یہ روایت حکما مرفوع ہے۔
مزید ملاحظہ فرمائیں: