سوال (12)
اسلامی نقطہ نظر سے یہ جملہ کیسا ہے ” ضروری نہیں کہ اعمال ہزاروں و لاکھوں ہوں بھلے کم ہوں لیکن خالص ہوں؟
جواب:
عمل میں دوام اور اعتدال مقصود ہوتا ہے ، اس لیے صحیح البخاری کی اس روایت کی رو سے یہ عبارت صحیح ہے کہ اللہ تعالیٰ کو وہ عمل پسند ہے جس میں دوام ہو عمل بھلے کم ہوں ۔ سیدہ عائشہ رضی اللہ عنھا فرماتی ہیں کہ رسول اللہ صلی اللہ علیہ وسلم نے فرمایا :
وَأَنَّ أَحَبَّ الْأَعْمَالِ إِلَى اللَّهِ أَدْوَمُهَا وَإِنْ قَلَّ. [صحیح البخاری : 6464]
اللہ تعالیٰ کے نزدیک سب سے پسندیدہ عمل وہ ہے جس پر ہمیشگی کی جائے خواہ کم ہی کیوں نہ ہو۔
فضیلۃ الشیخ عبد الوکیل ناصر حفظہ اللہ