شادی کے موقع پہ نیوتہ اور سلامی دینا

سوال

آج کل شادی کے موقع پربہت ساری رسومات ادا کی جاتی ہیں۔جیسے ولیمہ کے موقع پر نیوتہ کی صورت میں اور نکاح کے موقعہ پر سلامی کی صورت میں وصولی کی جاتی ہے۔اور باقاعدہ اس وصولی کو لکھا جاتا ہے۔اس کی شرعی حیثیت کیا ہے۔کیا ہمارے اسلاف میں اس طرح کی رسومات ادا کی جاتی تھی۔

جواب

الحمد لله وحده، والصلاة والسلام على من لا نبي بعده!

شادی پر نیوتہ والی رسم ہمارے معاشرے میں عام ہے۔ ہوتا یوں ہے، کہ جب شادی پرکھانے کی دعوت دی جاتی ہے۔ تو ایک آدمی کو باہر بٹھا دیا جاتا ہے۔اور پھر لفافہ سسٹم چلتا ہے۔اور باقاعدہ طور پر اس کا اندراج ہوتا جاتا ہے۔اور اس میں ایک دوسرے سے بڑھ کر دینے ہوتے ہیں۔اگر کوئی برابر یا کم دے دے تو اس کو کہا جاتا ہے ۔کہ زیادہ دیں یہ تو آپ نے ہمارے ہی واپس کر دیے ہیں۔اس میں سودی ذہنیت کارفرما ہوتی ہے۔کیوں کہ پیسے دے کر وقت گزرنے کے ساتھ ساتھ زیادہ وصول کرنے کاذہن رکھتے ہیں۔اسی لیے ہم جب اس قسم کی دعوت پر جاتے ہیں۔ نہ ہی کسی کو پیسے دیتے ہیں، نہ ہی کسی سے پیسے لیتے ہیں۔اگر کوئی کہے یہ تو تعاون کا ذریعہ ہے ایک دوسرے کے ساتھ تو وہ تعاون آپ پہلے بھی کر سکتے ہیں۔یہ تعاون نہیں ہے ادلے کا بدلہ ہے۔ آج تم نے دیے ہیں تو کل وصول بھی کرنے ہیں۔یہ بھی محض رسم ہے اس سے بچنا چاہیے ،اور قرآن و سنت پر عمل کرنا چاہیے۔