امام شافعی رحمہ اللہ کے تین عظیم اقوال
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
حدیث کے مشہور امام ابن حبان رحمہ اللہ نے امام شافعی رحمہ اللہ کے تین عظیم الشان اقوال نقل کیے ہیں جو کہ درج ذیل ہیں:
1- “إِذَا صَحَّ لَكُمُ الْحَدِيثُ عَنْ رَسُولِ اللهِ صَلى الله عَلَيه وسَلم فَخُذُوا بِهِ وَدَعُوا قُولِي.”
جب کسی مسئلہ میں اللہ کے رسول صلی اللہ علیہ وسلم سے ثابت شدہ حدیث مل جائے تو اس پر عمل کرو اور میرے قول کو چھوڑ دو۔
2۔ “مَا نَاظَرْتُ أَحَدًا قَطُّ فَأَحْبَبْتُ أَنْ يُخْطِئَ.”
میں نے جب بھی کسی سے مناظرہ کیا تو اس کو غلط ثابت کرنے کی خواہش دل میں نہیں رکھی۔
3۔ “وَدِدْتُ أَنَّ النَّاسَ تَعَلَّمُوا هَذِهِ الْكُتُبَ وَلَمْ يَنْسِبُوهَا إِلَيَّ.”
میری خواہش ہے کہ لوگ میری کتابوں سے علم سیکھ لیں، لیکن انہیں معلوم تک نہ ہو کہ یہ میری تصنیفات ہیں۔
ابن حبان رحمہ اللہ ان تین اقوال کے متعلق فرماتے ہیں:
“انَّ لِلشَّافِعِيِّ رَحِمَهُ اللهُ ثَلَاثَ كَلِمَاتٍ مَا تَكَلَّمَ بِهَا أَحَدٌ فِي الإِسْلَامِ قَبْلَهُ وَلَا تَفَوَّهَ بِهَا أَحَدٌ بَعْدَهُ إِلَاّ وَالْمَأْخَذُ فِيهَا كَانَ عَنْهُ.”
امام شافعی رحمہ اللہ سے پہلے ایسے عظیم الشان کلمات کسی عالم دین کے ہاں نظر نہیں آتے، البتہ بعد میں اہل علم نے ان کو سامنے رکھ کر ایسی باتیں کہی ہیں۔
[التقاسيم والأنواع – صحيح ابن حبان: 2/22]
