وتر کی دعا اور اس میں ہاتھ اٹھانا؟

سوال (903)

وتر کی دعااور اس میں ہاتھ اٹھاکر دعا کرنا؟

جواب

قنوت وتر کی دعا لازمی نہیں ہے وتر اس کے بغیر ہوجاتا ہے ، البتہ دعا پڑھی جا سکتی ہے ، دعا پڑھنا بہتر ہے ، کیونکہ اس کا استحباب ہے ، اس کی دو صورتیں ہیں ایک یہ ہے کہ ثنا ، سورہ فاتحہ اور قرأت کے بعد آپ کھڑے کھڑے دعا قنوت پڑھتے ہیں ، یا پھر رکوع کے بعد اگر چاہیں تو ہاتھ اٹھائیں ، اگر چاہیں تو بغیر ہاتھ اٹھائے دعا قنوت پڑھیں ، ہاتھ اٹھانے کی کوئی مرفوع روایت تو نہیں ہے ، بہرحال آثار ہیں ، یا پھر قنوت نازلہ پہ قیاس ہے ، لہذا جواز ہر صورت میں موجود ہے ، بے جا سختی نہیں کرنی چاہیے ، اولی یہ ہے کہ بغیر ہاتھ اٹھائے دعا ہو ، جواز یہ ہے کہ ہاتھ اٹھائے جاسکتے ہیں ۔

فضیلۃ الشیخ عبد الوکیل ناصر حفظہ اللہ