صرف نقشہ بنا کر پلاٹ بیچنا

سوال

مفتیانِ کرام! غیر مقبوضہ زمین سے متعلق میرے کچھ سوالات ہیں:

1۔ ہاؤسنگ سوسائیٹیاں عام طور پر نقشہ بنا کر پلاٹ بیچنا شروع کر دیتی ہیں جبکہ اس نقشہ کی ساری زمین خریدی نہیں ہوتی۔ یہ نقشہ ہی آگے فروخت ہوتا ہےا ور ڈیلر پھر مزید آگے سے آگے فروخت کرتے جاتے ہیں۔اس کا کیا حکم ہے؟

2۔ دوسری صورت میں اس سے بھی آگے وہ فائلیں ہیں جو مستقبل میں خریدی جانے والی زمین کے سلسلے میں ایڈوانس فروخت ہو رہی ہوتی ہیں اور ان کی نقشہ پر نشاندہی بھی نہیں ہوتی۔ایسی صورت میں اس خریداری کا کیا حکم ہے ؟

3۔ اگر سوسائٹی سے یہ بات معلوم کرنا دشوار ہو کہ کون سی جگہ ابھی خرید نہیں کی گئی ہے، تو کیا ظن ِغالب کی بنا پر سودا کر دینا جائز ہو گا؟

4۔ ایک خیال یہ ہے کہ مارکیٹ کا اس وقت عرف یہی ہے اس لیے ایسا کرنا حرج کی بات نہیں ہے، یعنی ڈیلرز کا مالک کو بتائے بغیر زائد از کمیشن مارجن رکھ کر آگے بیچنا اوراسی طرح بیعانہ پر آگے فروخت کرنا یہ دونوں عرف کے تحت داخل ہیں۔اب جو خریدار مارکیٹ میں آئے اس کو صورت حال کا علم حاصل کرنا خود اس کے ذمہ ہےوغیرہ وغیرہ۔صورت حال کا دوسرا رخ یہ ہے کہ ڈیلر حضرات کے ان طور طریقوں کا عام ملازم پیشہ حضرات اور دیگر عوام کو عموماًعلم نہیں ہوتا کیونکہ ان کی زندگی الگ میدان میں گزری ہوتی ہے اور وہ اعتماد کر کے کمیشن ایجنٹ کو اپنا کام سونپتے ہیں۔

5۔ بعض حضرات اپنی بل بک پر کمیشن دو فیصد لکھواتے ہیں جبکہ لوگوں کو عام مارکیٹ کے عرف میں ایک فیصد ہی کا علم ہے۔ ایسے میں کمیشن سے زائد پیسے رکھنا اور ان کو’دو فیصد’ میں شمار کرنا کیسا ہے؟